Jius et judâismo en Arpetania
|
Cél articllo est ècrit en arpetan supradialèctâl / ORB lârge. | 
|
O est un articllo sur los Jius et lo judâismo de l’ensemblo des tèrritouèros yô que l’arpetan est la lengoua du payis.
Judâismo en Arpetania changiér
Cen fât 2000 ans qu’ègziste na minoritât de Jius dedens los Payis arpetans. Por la Savouè, la premiére mencion de Jius dâte de 1254[1]. Y at un mouél de senagôgues, d’ècoules jiues et tot plen de rèstorants jius[2]. Dedens los cantons de Geneva et de Vôd, lo yidich·e est considèrâ coment na lengoua du payis[3].
En Vâl d’Aoûta, y at gins de senagôgues, mas y avéve la comunôtât jiua d’Aoûta (comunità ebraica di Aosta en étalien)[4] que lo partisan et historien Emanuele Artom ére un membro. Ora cela comunôtât est amôrta et pués est vêr raprochiêe de la comunôtât jiua de Turin (comunità ebraica di Torino en étalien). Arriér-més la France et la Suisse, los Jius étaliens ant jamés prègiê yidich·e, mas pletout rapondu de paroles de l’hèbrèo dedens la lengoua étalièna et los difèrents dialèctos de les règ·ions[5]. Y at un mouél de senagôgues en Piemont, mas pas yona dedens les Valâdes arpetanes. Tot pariér por la règ·ion de la Poulye, mas pas yona ni a Cèles de Sant Vuite ni a Fayéte. Y en at pas un mouél de judèo-arpetans[Nota 1] en Arpetania.
Senagôgues changiér
Vê-que na lista a complètar de senagôgues dedens los difèrents payis de lengoua arpetana.
| Nom | Vela | Payis arpetan | Bâti en |
|---|---|---|---|
| Granta senagôga de Liyon | Liyon |  Liyonês |
1864 |
| Senagôga de Liyon VII | Liyon | Liyonês |
Dâta encognua |
| Senagôga de Liyon VIII | Liyon | Liyonês |
Dâta encognua |
| Senagôga de Liyon IX | Liyon | Liyonês |
Dâta encognua |
| Senagôga de Bron | Bron | Liyonês |
Dâta encognua |
| Senagôga d’Èneci | Èneci |  Genevês |
Dâta encognua |
| Granta senagôga de Geneva | Geneva |  Geneva |
1857 |
| Senagôga du judâismo libèral de Geneva | Geneva | Geneva |
2010 |
| Senagôga d’Anemâsse | Anemâsse |  Fôcegni |
Dâta encognua |
| Senagôga d’Èx | Èx | Savouè Propra |
1889 |
| Senagôga de Grenoblo | Grenoblo |  Dôfenât |
Dâta encognua |
| Senagôga de L’Èvian | L’Èvian | Chablès |
Dâta encognua |
| Senagôga de Sant-Etiève | Sant-Etiève |  Forêz |
Dâta encognua |
| Senagôga de Sant-Fons | Sant-Fons | Liyonês |
Dâta encognua |
| Senagôga de Rouana | Rouana | Forêz |
Dâta encognua |
| Senagôga de Losena | Losena |  Vôd |
1910 |
| Senagôga de Venécié | Venécié | Liyonês |
Dâta encognua |
| Senagôga de Vilorbana | Vilorbana | Liyonês |
Dâta encognua |
Toponimo changiér
Ègziste un cârro « lèc des Jius » (lac des Juifs en francês) vers Chambèri qu’est houé apelâ « Colombiér »[6]. ... (a fâre).
Notes et rèferences changiér
Notes changiér
- Judèo-arpetan (ארפיטנית-יהודית en hèbrèo), parola en analogia avouéc l’adjèctif (fr) « Judéo-allemand ».
Rèferences changiér
- (fr) Castelnuovo, Guido LA SAVOIE AU MOYEN-AGE, 1032-1536.
- (en) Georges Levitte & David Weinberg « Lyons », dessus Jewish Virtual Library.
- (fr) CEFAN - Confédération suisse - Les langues autochtones.
- (it) Kolòt - Gli ebrei in Valle d’Aosta.
- (it) Anna Foa : Presenza ebraica in italia.
- (fr) JUIFS (Lac des), dedens lo diccionèro de Dolfo Grôs.