Étan
|
St’artiklyo èt’ékri ann’arpetan donbisto d’Anbézhyu an Donba / KFL donbista. | 
|
N'étan (ke vin du latin STAGNUM) è na prô grousa étandua d’édye mé ou mouin mourta, artifisyèla don bin natezhèla, délimitô u dedan de lé tèré. Sti tèrmo pou déznyé de réalitâ prô difézhante dan la toponimi de na réjyon a l'ôtra.
Dan la plepâr de lé réjyon n'étan dézenye an jénéral n'étandua d'édye k'è bin mé grousa ke na sèrva mé mé ptyèta pi mouin priyonda k'on lak. La majoritâ déz'étan son artifisyèl é on étô fé depi lo Moyinn'Azho pe la pisikultezha. I pouvon étre kreuzô dan la tèra don bin konstituô de na botase dan lo fon d'on valon pe na dega su on taryô. Byin déz'étan son arimé lo rézulta d'aktivitâ d'èstraksyon (torbizhe, gravelizhe, sablizhe, afèsman mini, etc.). D'ôtro sèrvon de sèrvé pe l'agrikultezha pi d'ôtro ankozhe on étô fé pe lou repô.
Su lé kouté du midi de la Franse de vâsté lôné pi de lak de kouta natezhèl son éteu apèlô étan, koman l'étan de Bèra, l'étan du Tô don bin sé de la kouta landèza.