Cél articllo est ècrit en arpetan supradialèctâl / ORB lârge. Lo blâson panarpetan


Lo Moyen Âjo est na pèrioda de l'histouère eropèèna, s'étendent du Ve siècllo u XVe siècllo, que debutit avouéc la ch·ête de l'Empiro romen d'Occident et que sé terminit per la Renèssence et les Grantes Dècuvèrtes. Venent aprés l'Antiquitât et l'época moderna, la pèrioda est subdivisâye entre lo hôt Moyen-Âjo (Ve - Xe siècllo), lo Moyen Âjo centrâl (XIe - XIIIe siècllo) et lo Moyen Âjo tardif (XIVe - XVe siècllo).  

Photographie d'un château en pierre sur une île reliée au rivage par un petit pont à arches.
Lo châtèl, ique celi d'Eilean Donan en Écosse, ére l'ona de les construccions caractéristiques du Moyen Âjo.
Lo châtél de Chelyon a la riva du Lèman - un châtél et na fortèressa des comtos et ducs de Savouè.

La dèpopulacion, la dèsurbanisacion et les migracions de l'Antiquitât tardiva sé porsuivont durent lo hôt Moyen Âjo et los envahissors barbaros fondiront de novéls reyômos sus los territouèros de l'ancian Empiro romen d'Occident. Mémo se la pèrioda fut marcâye per de provonds changements sociètôs et politicos, la ruptura avouéc l'Antiquitât classica ne fut pas complèta. La passa orientâla de l'Empiro romen survivit ux bolevèrsaments g·eopoliticos de la pèrioda et restit na pouessience de premiera importance desot lo nom d'Empiro bizantin. Il perdit tot de mémo na granta passa de sos territouèros u Moyen-Oriant et en Africa de Bise u prodit dus califâts musulmans u VIIe siècllo.

U Cuchient, tot plen de reyômos incorporiront un bon nombro d'institucions romènes tendis que l'expension du cristianismo fut marcâye per la construccion de nombros monastéros. Desot la dinastia carolingièna, los Francs établiront un empiro covrent la plus granta passa de l'Occident crètien u IXe siècllo devant que dèclinar du a côsa de les tensions internes et de les ataques dus Vikings a Bise, dus Hongrouès u Levent et dus Sarrasins u Sud.

En Arpetania, lo reyômo de Borgogna et pués l’etât de Savouè éront grantes pouessiences.

Lims de defôr changiér

Wikimedia Commons propôse de documents multimèdiâ sus Moyen Âjo.