Valâ de Jor
Valâye de Jor, Comba de Jor
|
Çlli-l-articllo[V 1] ’l est ècrit en arpetan vôdouès / ORB lârge. | 
|
Por los articllos homonimos, vêde Jor.
| Valâ de Jor | |
| [va.ˈlaː də dzœ] | |
![Viuva[V 2] dês la Dent sus lo lèc de Jor, lo lèc Brenèt et l’ensembllo[V 3] de la Valâ.](/wiki/Fichi%C3%A9r:Vallee_de_joux.jpg) Viuva[V 2] dês la Dent sus lo lèc de Jor, lo lèc Brenèt et l’ensembllo[V 3] de la Valâ. | |
| Noms arpetans | |
|---|---|
| Ôtro nom arpetan | Comba de Jor [ˈkɔ̃.ba de dzɔ] |
| En grafia vôdouèsa | Vallâïe dè Djou [va.ˈlaːj de dʒu] et Comba [ˈkɔ̃.ba] |
| Noms ètrangiérs | |
| Nom francês | Vallée de Joux |
| Massis | Massis du Jura (Ârpes) |
| Règ·ion historica |  Arpetania
|
| Payis |  Suisse
|
| Canton | Payis de Vôd |
| District | Jura-Vôd de bise |
| Comunes | Lo Chenèt, L’Abayie, Lo Luè |
| Coordonâs geografiques | 46° 35′ bise, 6° 13′ levant |
| Localisacion | |
| Oriantacion | sud-ouèste |
| Longior | 25 km |
| Tipo | Vâl et polje |
| Ècolament | Orba |
| Rota d’accès principâla | 129, 130 |
changiér  |
|
La valâ de Jor[N 1],[V 4] [va.ˈlaː də dzœ] (la vallée de Joux en francês) — dens la pllanna[V 5] vôdouèsa diont plletout[V 6] la comba de Jor [ˈkɔ̃.ba de dzɔ] — ou ben de cotema la Valâ[N 2] [va.ˈlaː] ’l est na valâ suissa en Arpetania, que sè trôve dens l’empartia[V 7] centrâla du massis du Jura dedens lo quenton de Vôd[V 8]. Son nom ére asse-ben çlli[V 9] du vielyo[V 10] district de La Valâ, disparu lo .
’L est composâye de três comunes[V 11] : Lo Chenèt, L’Abayie et Lo Luè que comptont doux-três velâjos et velagèts.
’L est yon des brés de la relogerie[V 12] et pués lé sè trôvont tot pllen[V 13] de bouteques des[V 14] plles[V 15] famoses manufactures relogiéres suisses, coment Breguèt, Ôdemârs Peguèt, Bllancpan, Jègère-LoCôtro, etc.
Les[V 16] habitents de la valâ s’apèlont les Combiérs [le kɔ̃.ˈbje] et les Combiéres [le kɔ̃.ˈbjeː.re][N 3].
G·eografia
changiér
La valâ est situâ dedens lo massis du Jura et fat partia du district Jura-Vôd de bise du quenton de Vôd et du dèpartament francês du Jura.
La comba s’èpate entre-mié la chêna du Mont Risoux, u nord-ouest, que la supèrficie est brâvament cuvèrte de jor – l’est yona des ples grantes ètendues de bouescs en Suisse – ,[1] et la chêna de montagnes du Mont Tendre, du Crêt de la Nôve et du Mont Nêr, u sud-este.
L’Orba travèrse la vâl et sè jete dedens lo lèc des Rousses, pués aprés lo passâjo de la frontiére entre-mié la France et la Suisse, prés Lo Sentiér dedens lo lèc de Jor et, prés Lo Pont, dedens lo lèc Brenèt. Pués sè perd dedens la roche calquère du sol por n’en sortir per una cavèrne famosa prés Vâlorba.
Lo Col du Molendru pués lo Col du Marchèru rapondont la comba de Jor avouéc la règ·ion du Lèman. Lo Col du Mont d’Orzère, a bise du velâjo Lo Pont, mène a Vâlorba qu’est dedens la vâla d’en-bâs de l’Orba. La rota du Chenit ux Rousses mène en France, a la règ·ion de Môrél et de Sant-Gllôdo et, per la Valâ des Dappes, a Mijor (dens lo dèpartament de l’En), et lo Col de la Fôcile.
Histouère
changiérU Moyen Âjo, un conflit u torn la valâ at oposâ l’anciana abayie de Sent-Oyend du Jor, a Sant-Gllôdo, a la mêson des Prémontrâs dèta Abayie du lèc de Jor, construite a la riva de levant du lèc de Jor.
Lo 24 d’avril 1344, Françouès de la Sarra balye la valâ a Louis de Savouè. Dês 1536, la règ·ion est desot la dominacion de Bèrna, dês 1798 dedens lo canton du Lèman et en 1803 vint una partia du quenton de Vôd. Tant qu’en 2008 l’ére dedens l’ancian district de la Comba.
La valâ est un grant endrêt de la relogeria suissèssa.
El’at des stacions de squi d’hivèrn.
Comenes
changiér- Bois d’Amont
- Les Rousses
- Môrèl
- Lo Chenèt, avouéc les três fraccions : Lo Sentiér, L’Oriant, Lo Braçus
- L’Abayie
- Lo Luè
Pèrsonalitâts
changiér- Samuel-Henri Rochat (1783–1859), dèt compositor de l’himne vôdouès
- Anne-Marie Im Hof-Piguet (1916-2010)
Vêre avouéc
changiérLims de defôr
changiérNotes et rèferences
changiérNotes
changiér- Diont asse-ben la valâye de Jor [va.ˈlaːj de dʒu] d’aprés les patouesans, qu’ècrisont « la vallâïe dè Djou » en grafia vôdouèsa.
- Dens la pllanna, diont la Comba [ˈkɔ̃.ba], qu’ècrisont « la Comba » en grafia vôdouèsa.
- Ècrisont « lè Combié » et « lè Combiére » en grafia vôdouèsa.
Noms d’endrêt
changiérVocabulèro
changiér- Varianta vôdouèsa devant unna voyèla [çʎi.l‿] de « cél » a dèm m.
- Varianta vôdouèsa [ˈjyː.va] de « viua » f.
- Varianta vôdouèsa [ɛ̃.ˈsɛ̃.bʎu] de « ensemblo » m.
- Varianta vôdouèsa [pa.twa.ˈzã] de « patouesants » mpl.
Varianta vôdouèsa [e.ˈkriː.zã] de « ècrivont » 3éma pèrs du pl du pres de l’endic du v « ècrire ». - Varianta vôdouèsa [ˈpʎã.na] de « plana » f.
- Varianta vôdouèsa [pø.ˈtu] ou ben [pʎø.ˈtu] de « pletout » adv.
- Varianta vôdouèsa [ɛ̃.par.ˈtja] de « partia » f.
- Varianta vôdouèsa [tjɛ̃.ˈtɔ̃ ] ou ben [kjɛ̃.ˈtɔ̃] de « canton » m.
- Varianta vôdouèsa [çʎi] de « celi » pron dèm m.
- Varianta vôdouèsa [ˈviː.ʎu] de « viely » a m.
- Varianta vôdouèsa [ku.ˈmuː.ne] de « comenes » fpl.
- Varianta vôdouèsa [rə.lɔ.dzə.ˈri] de « relogeria » f.
- Varianta vôdouèsa [tɔ pʎɛ̃] de « tot plen » loc adv.
- Varianta vôdouèsa [de] de « de les » art fpl.
- Varianta vôdouèsa [pø] ou ben [pʎø] de « ples » adv.
- Varianta vôdouèsa [le] de « los » art mpl.
Rèferences
changiér- Nicolas Zaric : La forêt du Grand Risoud. Losena 1991.