Frontiére entre-mié la France et la Suisse

Cél articllo est ècrit en arpetan supradialèctâl / ORB lârge.

L Frontiére entre-mié la France et la Suisse est la partia de la frontiére d’ètat de la France qu’est comuna avouéc una partia de la frontiére de la Suisse.

Cela frontiére travèrse per la granta part lo cârro lengouistico de l’Arpetania, et pués la règ·ion sud du Franc-comtês et, prés Bâla, cela du tuche.

La frontiére suit lo cors d’égoua dedens les gôrges du Dubs, dedens lo massis du Jura. Fotografia près l’usine hidroèlèctrica du Refrên, comena Fournet-Blancheroche, dèpartament du Jura (lo tèrritouèro de la France a drêta; la Suisse, canton du Jura, a gôche).

G·eografia

Avouéc na longior de 572 kilomètros du Rin tant que sus lo sonjon du Mont Dolent, la frontiére est situâye partiâlament sus los massis du Jura et de les Ârpes, et pués travèrse lo Lèman et d’ense asse-ben lo bachèt du Rôno.

Près Geneva, l’est u mèten du suer urben de cela vela.

La stacion de la dôane sus l’ôtorota, a Bardenèx, canton de Geneva.

France

En France, los dèpartaments vesins de la Suisse sont, de bise a mié-jorn :

• lo Rin d’Amont (dedens la colèctivitât eropèèna d’Alzace en règ·ion de Grant-Est)
• lo Tèrritouèro de Bélfôrt (règ·ion Borgogne-Franche-Comtât)
• lo Dubs (Borgogne-Franche-Comtât)
• lo Jura (Borgogne-Franche-Comtât)
• l’En (règ·ion Ôvèrgne-Rôno-Ârpes)
• la Savouè d’Amont (Ôvèrgne-Rôno-Ârpes)

Suisse

En Suisse, los quentons vesins de la France sont :

• lo quenton de Bâla-Vela
• Bâla-Campagne
• lo quenton de Salôrro
• lo quenton du Jura
• Nôchâtél
• lo quenton de Vôd
• la canton de Geneva
• lo Valês