Mont (Valês)

Cél articllo est ècrit en arpetan supradialèctâl / ORB lârge.

Mont – en alemand et tuche Mund – est una anciana comena du district de Brega dedens lo quenton du Valês.

Dês 2013 lo velâjo est dedens la comena de Nârres.

Ètimologia

Lo niom du velâjo est d’origina arpetana; sia sôrsa ètimologica est lo lat. mons (arp. montagne).

Lengoues

• L’Alemand
• Lo Tuche valêsan

G·eografia

La localitât sè trôve a la bise du Rôno. Mont est cognu per la cultura du safran, dês 2004 apelacion d'origina controlâye (AOC).

Doux-três égouaduits ou ben biéds portont l’égoua du Mundbach ux prés de Mont. Lo Mundbach prend sa sôrsa u gllaciér dèt Gredetschgletscher.

Sot la montanye Gärsthorn et dedens la valâya dèta Gredetschtal, Mont at les endrêts de l’inârpa Brischeru, Erl et Strick.

La legne de chemin de fèr de Brega a Bèrna que mène dens lo tunèl du Lötschberg, travèrse lo territouèro de Mont.

Monuments

• L’égllése de Sent-Jâque, construite en 1964 (la tor en 1721)
• La chapèla de Sent-Nicolâs, de l’an 1348
• La tor du Moyen Âjo
• Lo Musê du safran

Bibliografia

• « Mund » sus lo Dictionnaire historique de la Suisse en legne.