|
|
La musica est l’ârt qu’est d’arrengiér et d’ordonar sons et silences pendent lo temps des côps dedens l’èspâço (lo musicien est sus scèna dens un orquèstro ou ben solèt) d’aprés 4 critèros : lo ritmo, cen vôt dére lo temps des sons dedens l’èspâço temporâl, est lo supôrt de cela combinèson dens lo temps, l’hôtior cela de la combinèson dens les frèquences (son grâvo ou ben pouentu), lo timbro (la natura du son que dèpend des harmonicos ples ou muens multiplos, et pués d’entensitâts difèrentes fêtes per la sôrsa que resone : lo timbro de la trompèta est pas lo mémo que celi du violon), l’entensitât du son (cen qu’apèlont los rèsultats dinamicos en analisa musicâla : piano, triplo fôrte, crèscendo...).
La musica est un ârt, celi de la musa Eutèrpa dens la mitologia grèca. El est en mémo temps na crèacion, na reprèsentacion, et pués na fôrma de comunicacion. Emplèye doux-três règlles ou ben sistèmos de composicion, des ples simplos (notes de musica, games) ux ples complicâs (structura musicâla). Pôt empleyér de chouses difèrentes, lo côrp, la vouèx et los enstruments de musica conçus por la traduire.
La musica at ègzistâ dens totes les sociètâts d’homo, dês la prèhistouère. El est a côp fôrma d’èxprèssion d’homo endividuèla (èxprèssion des sentiments), sôrsa de rassemblament colèctif et de plèsir (féta, chant, dance), simbolo d’una comunôtât ou ben d’una nacion (musica religiosa, himno nacionâl, musica militèra).
Por alar ples luen : liére los articllos « Musica », « Histouère de la musica » ou ben parcorir les catègories.
|
Entroduccion a la musica
Lumiére dessus...
Émâge du mês
Novéls articllos
Portâls liyês
Participar
Mèssâjos
