Vouiquipèdia:Lumiére dessus…/Chavan
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo devendro 27 de mê 2022 tant qu’u demârs 31 de mê 2022.
Le mot chavan [tsa.ˈvã], [θa.ˈvã] ou [ʃa.ˈvã] — ou uncor [ʃɑ.ˈvã] en patouès de les montagnes du Sêr — est un tèrmo franc gènèrâl du vocabulèro corent que, en arpitan, corrèspond pas a un nivél de cllassement scientifico. O est un nom vèrnâcllo que la significacion est pas cllâra en biologia, empleyê solament por dèsignér na partia de les difèrentes èspèces d’usiôs èparviérs rengiêes per-dedins la famelye de los Strigidos. L’arpitan est marcâ per na tèrminologia binèra simplista chavan/cheva. Queta est pas la femèla du chavan et les difèrences entre los doux repôsont pas verément sus de critèros scientificos, le chavan sè distingue de la cheva per la simpla presence de moçons, fêts de plomes que dèpâssont de la téta.
Ôtros noms arpitans
changiérVê-quê na lista de los difèrents noms vèrnâcllos empleyês en arpitan por le chavan :
- le farou ou le chat-farou en Savouè
- le chat-volâr en Savouè
- l’étôla f en Savouè : en Môrièna
- le jouèx ou le douèx en Vâl d’Aoûta
- ...