Lo Massif centrâl 'l est un massis montagnox qu'ocupe lo centro-sud de la France mètropolitana.

Cen corrèspond a enveron 85 000 km² sêt 15 % du tèrritouèro francês. O est un massif ancian (hèrcinien) franc èrodâ mas diens des cârros relevâ a l'èra tèrcièra durent la formacion des Arpes, cen qu'at provocâ des sengllos et l'aparicion d'un volcanismo franc actif tant qu'a na pèrioda relativament frèche. Los tèrrens sont en majoritât graniticos, mas dens des cârros asse-ben volcanicos et des côps calquèros (sud-èst).

Lo més hiôt sonjon 'l est lo Pué de Sanci (un ancian volcan) que culmine a 1885 m.

Les principâles règions tradicionâles situâyes diens ceti massif sont l'Ôvèrgne, lo Limousin, lo Forêz et l'Hiôt-Lenguadoc. Los três més grantes veles sont Cllârmont-Fèrrand, Limojo et Sant-Etiève.

Situacion du Massif centrâl
Lo Pué de Dômo, un ancian volcan

Vêre avouéc changiér