Hèrmengouârda de Savouè
|
Cél articllo est ècrit en arpetan supradialèctâl / ORB lârge. | 
|
Hèrmengouârda de Savouè – ou ben Hèrmengouârda de Borgogna – (nèssua u Xiémo siècllo; môrta aprés lo 20 de septembro 1057) ére una nôblla de Savouè, comtèsse de Provence pués rêna de Borgogna.
Via changiér
Hèrmengouârda ére, probâblament, parente de Hombèrt Iér de Savouè, lo fondator de la mêson de Savouè. O ére, avant 1002, comtèssa de Provence, a côsa du mariâjo avouéc lo comto Rotboâldo II de Provence, qu’est môrt vers 2011. L’èvèco Hugo de Losena est lo fily d’Hèrmengouârda et de Rotboâldo.
En 1011, per lo mariâjo avouéc lo rê de Borbogna Rodolfo III, vint rêna borgonda.
Donacion de mariâjo de 1011 changiér
Lo rê Rodolfo at fât, lo 24 d’avril 1011, a Èx-los-Bens en Savouè, la donacion en favor d’Hèrmengouârda de doux-três bens, situâs en Arpetania:[1][2][3]
- des tèrres situâyes a Èx, avouéc lo châtél rêyâl d’Èx
- lo châtél de Nôchâtél
- a Èneci
- l’abayie Sent-Pierro du Mont-Joux, u Valês
- a Ruva (houé dedens lo canton de Fribôrg)
- lo châtél de Font (houé dedens lo canton de Fribôrg)
- lo velâjo d’Ivona (a riva miéjornâla du lèc de Nôchâtél)
- lo velâjo d’Ôvèrniér (a riva de bise du lèc de Nôchâtél)
- lo velâjo d’Arinis (Sent-Bllês)
Notes changiér
- Lo document originâl de ceto acto est consèrvâ dedens les arch·ives dèpartamentâles d’Isera, a Sent-Martin. Segno du document : «Fonds de l’archevêché de Vienne», 1G11.
- Régeste genevois, no. 151, p. 43.
- Émâge du document du 24 d’avril 1011, sus lo séto vouèbe de la sociètât d’histouère et d’arqu·èologia de Nôchâtél.