Égllése Sent-Pierro de Bôrg-Sent-Pierro

Cél articllo est ècrit en arpetan supradialèctâl / ORB lârge.

L’égllése Sent-Pierro du Bôrg (l’église Saint-Pierre en francês), est l’égllése catolica de la comena du Bôrg sus la rota du Grant-Sent-Bèrnârd en Valês.

La tor romana de l’égllése Sent-Pierro de Bôrg en Valês.

Histouère

Lo premiér monastéro du Grant-Sent-Bèrnârd sè trôvave dedens lo velâjo du Bôrg, a l’època carolinga, d’après la sôrsa latina : monasterio Sancti Petri quod ad radicem montis situm est (842-849).

U comencement du XIiémo siècllo, lo bâtiment, détruit u Xiémo siècllo per los Sarazénos, est reconstruit per l’èvèco de Geneva Hugues et vint propriètât de la rêna burgonda Èrmengouârda.

En 1739 la plés granta partia de l’égllése est reconstruite. Enqu’houé restont du velye bâtiment roman la granta tor, l’arc trionfal et una chapèla.

L’égglése est cllassâye monument historico du canton du Valês.

Bibliografia

• Louis Blondel : « L’Eglise el le prieuré de Bourg-St-Pierre », dedens : Vallesia, 1, 1946, p. 21-41.
• Lucien Quaglia : « Les services du passage du Saint-Bernard établis à Bourg-Saint-Pierre », dedens : Annales valaisannes, 1973, p. 43-76.