Brache

Chel’artilyou ye t’ékri è arpetè brassè / KLY bréchana.

Por l’articllo principâl en ORB lârge, vêde Brêsse.

La Brecha – Eutrou nyon: Bressa (è frèssé: Bresse).

Géografie

Pahi dè l'èst de la Frèssa, ètre la revizhe Sôna pi le montanye du Jura. Le douve ple bale vele chon Bou ("Bourg en Bresse"), dè la Brecha deta savouayarda (Départemè In), pi Louan ("Louhans"), dè la Brecha deta bourguinyona (Départemè Sôna é Louara).

Istouare

La Brecha bourguinyona é frèsséza depi mé lontè que le Brecha du midi, qu'apartin a la Frèssa lamè depi 1601, què la Savoua a dyo la balyë avoui lou Bugé pi lou Pahi de Gex.

Économi

Byè de Brassè travalyon dè lou doménou dé servissou, pi la Brecha a byè de greuchej èdustri, quemè la conchtrucssyon de camyon a Bou, mé l'èdustri agriqueula t'oucouzhe la mé counyu, avoui la fameuza "poulaye de Brecha", que pôche cha vya è libretô, defeur, pi que ne mèzhye que de panë. Che pleme chon blonshe pi ché pyë bleu.

Linga

Lou frèssé é la linga la mé parlô, mé lou brassè é la linga tradissyonéla.

• Litèratura en brassè: Pierre Borjon

Cultura

U lyon de la linga (shèsson, istouare), la cultura brechana contin azhi byè de tradessyon qu'on treuve lamè itye, quemè la tournô dé conchri, donbin lou shôpé a sheminô na, que pëurtôvon le fene, pi u-teu que le betôvon yoj ëur lou dimèche.