Vouiquipèdia:Portâl:Mèdecina

Ceti portâl trète de la mèdecina. Marci de liére les mises en gouârde mèdicâles de Vouiquipèdia.

Entroduccion a la Mèdecina

La mèdecina (du latin : medicina, que signifie « ârt de gouarir, remédo, pocion ») est la science et la pratica (l'ârt) ètudiyent l'organisacion du côrp humen (anatomie humèna), son fonccionament normal (fisiologia), et chèrchient a presèrvar la santât (fesica coma mentala) per la prèvencion (profilaxia) et lo trètament (cura) des maladies.

La mèdecina de noutron temps utilise los souens de santât, la rechèrche et les tècnologies biomèdicâles por prèvenir d'abôrd, diagnosticar et trètar les blessures et les maladies, habituèlament per l'acompagnement, la prèscripcion de mèdicaments, la chirurgie ou d'ôtres fôrmes de cures. Dês plusiors dècènies, lo solagement du dolor s'est emposâ coma un objèctif mèdicâl a travèrs des solucions chimiques mas asse-ben per la relacion mèdecin-pacient. La mèdecina fondâye sur les prôves èvalue et rêsone un recors u souens. La surmèdicalisacion de la via est analisâye dês la fin du 20émo sièclo. Los pacients ou consomators sont venus des actors en face des cliques de prèssion. Criticâyes, cèrtênes mèdecines altèrnatives réstont utilisâyes dens de nombrox payis.

Lumiére dessus...

La cabrèta [ka.ˈbrɛ.ta, ka.ˈbʀɛ.ta] (ou ben la musèta [my.ˈzɛ.ta]) est ‘n enstrument a sofllèt de musica tradicionâla ârvèrgnata de la famelye de les cancôrnes a enche droblo et composâ d’un cabas de chiévra que lo nom cabrèta tire son origina. La cabrèta a boche est na vielye fôrma de la cabrèta que sè méne pas més orendrêt. La cabrèta a sofllèt est aparua u XIX^émo siècllo dedens la comunôtât ârvèrgnata de Paris, s’est pués vito èpatâye en Ârvèrgne, notament dens lo Chantâl, et pués dens los ôtros hiôts payis a l’entôrn. Enstrument principâl de les borrèyes et dances folclloriques, la cabrèta est asse-ben menâye dens los orquèstros et dens de bendes de musiques d’ora per los cabretêros. En France, la transmission de cél savêr est assurâye per de consèrvatouèrs et d’associacions. La pratica de la cabrèta est étâye enscrita sus l’Enventèro du patrimouèno culturâl imatèrièl en France, dês 2017.