Tê sârvâjo

Cllassement de Cronquist (1981)
Règno	Plantae
Sot-règno	Tracheobionta
Division	Magnoliophyta
Cllâssa	Magnoliopsida
Sot-cllâssa	Dilleniidae
Ôrdre	Theales
Famelye	Clusiaceae
Genro	Hypericum
Ôrdre	Malpighiales
Famelye	Hypericaceae

Hypericum perforatum • Mile-pèrtués, Trochèran, Tê, Hèrb’a mile-pèrtués, Tê jôno, Calamandra, Cent-pèrtués

Cél articllo est ècrit en arpetan supradialèctâl / ORB lârge.

Por los articllos homonimos, vêde Tê.

Lo tê sârvâjo [te sar.ˈvaː.dzo], lo mile-pèrtués [mil.par.ˈtɥi], lo trochèran [trɔ.tse.ˈrã] ou ben lo tê [te] (Hypericum perforatum L., 1753) est na planta folyèrua pèrèna de la famelye de les Cllusiacês d’aprés lo cllassement cllassico (ou ben de les Hipèricacês d’aprés lo cllassement filogènètico).

Les fates sècrètrices cllâres presentes dessus lo limbo de les fôlyes alongiêes balyont l’êr d’un mouél de pèrforacions, particularitât a l’origina des noms arpetans de mile-pèrtués que vôt dére mile golèts, et pués de cent-pèrtués que vôt dére cent golèts.

Per-dedens totes les èspèces de mile-pèrtués que fôrmont lo genro Hypericum, l’apelacion sen èpitèto de mile-pèrtués dèsigne gènèralament lo tê sârvâjo dens un mouél de patouès arpetans.

Empleyêe en mèdecina et larjament popularisâye por sos rèsultats antidèprimiors, la planta pôrte tot plen de noms vèrnâcllos en arpetan. El at prod d’entèraccions mèdicamentoses.

Ôtros noms vèrnâcllos arpetans

Vê-que na lista des difèrents noms vèrnâcllos empleyês en arpetan por lo tê sârvâjo :

lo mile-pèrtués
lo trochèran
lo tê
l’hèrb’a mile-pèrtués
lo tê jôno
la calamandra
lo cent-pèrtués
lo tê de montagne
l’hèrba du tê
l’hèrba de la Noutra-Dama ou ben l’hèrba de Noutra-Dama
l’hèrba de la pouenta
lo tê du valaly
la fllor de Sent-Jian-Baptisto
lo mile-vèrtus
l’hèrba de les èpouentes
lo tra-Jian

Notes et rèferences

Notes

Vocabulèro

Rèferences

— Principâles

(fr) Domenico Stich, Dictionnaire francoprovençal-français et français-francoprovençal, Tonon, Le Carré, 2003, pp. 96 et 325.
(fr) Frèderic Dubôf, Patois vaudois. Dictionnaire, èdicion reviua et complètâye, Ôron-la-Vela, Associacion vôdouèsa des amis du patouès, 2006, pp. 147 et 330.
(fr) Dictionnaire français-patois. Dikchenéro patê-franché, Fribôrg, Société cantonale des patoisans fribourgeois, 2013, pp. 247, 573, 768, 952 et 962.
(fr) Rogiér Verèt, Dikchonéro Fransé - Savoyâ - Dictionnaire Français - Savoyard [PDF], 10^éma èdicion reviua et ôgmentâ, 2023, p. 2475.
(fr)(it)(frp) D’aprés cela pâge : « millepertuis perforé (hypericum perforatum) », sus lo seto patoisvda.org (viu lo 8 d’avril 2024).