Philippe Mottu

Cél articllo est ècrit en arpetan supradialèctâl / ORB lârge.

Philippe Mottu (nèssu lo 9 d’octobro 1913 a Geneva; môrt lo 23 d’oût 2010 a Lônè en quenton de Vôd) est un diplomate suisso. Il est lo fily du pastor genevês Henri Mottu et de Marthe Mottu, de na anciana famelye savoyârda.

Lo Cou Palès Hotâl.

Il ére membro du mouvament des « Groupos Oxford » por la péx qu’est a l’origina de l’organisacion Initiatives et Changement que la siéta est a Cou, velâjo vodouês près Montrolx. Dês 1946 il ére avouéc lo groupe suisso que fat de l’ancian grant hotâl de Cou un endrêt de rencontro entèrnacionâl. Philippe Mottu at organisâ, a Losena et pués a Interlaken, des èvènements de politica pacifica.

Avouéc Denis de Rougemont et Theophil Spoerri, il at fondâ la Liga du Gotârd que promôve l’endèpendence et la démocracia de la Suisse.

Ôvres

• Fondement spirituel d’un renouveau national, 1940.
• La Suisse forge son destin, 1942.
• L’Occident au défi, 1963.
• Démocratie et totalitarisme, 1964.
• The Secret of Civilization, 1965.
• Le destin de l’homme face au monde moderne, 1967.
• Révolution politique et révolution de l’homme, 1967.
• Caux - de la belle époque au réarmement moral, 1969.
• Le serpent dans l’ordinateur, 1976.
• Regards sur le Siècle, 1996.