Grafia de Confllens
|
Cela pâge est ècrita en arpetan supradialèctâl / ORB lârge. | 
|
La Grafia de Confllens (francês: Graphie de Conflans) ’l est na convencion d'ècritura por la transcripcion fonètica des sons des patouès arpetan prègiês. Ceta grafia semi-fonetica sè bâse sus les convencions de la lengoua francêsa. Dèvelopâ per des dialèctologues et patouèsants desot lo nom de Groupo de Confllens, la grafia est étâ publeyê por lo premiér côp en 1983 u Centro de la Cultura Savoyârda a Confllens.
Histouère
changiérLa grafia ére — a l’origina — enventâye per lo Chanouèno Victoren Râtél et pués pèrfèccionâye a Confllens per des èrudits nan-patouèsants, que l'âbè Marius Hudry et lo dialèctologo Gaston Tuaillon. Celes doux pèrsonâjos sè rèunissont en 1981 avouéc los patouèsants savoyârds a Confllens (vers Arbèrtvela), que apelont dês inque Groupo de Confllens, avêt coment fin principâla de betar u pouent na grafia por ècrire les difèrents patouès du savoyârd que pèrmèt la sôvegouârdâ ècrita et a sèrvir la dialèctologia. Ceta grafia semi-fonetica sè bâse sus les convencions de la lengoua francêsa. Aprés três ans de travâly, la prémiéra fôrma de grafia ’l est publeyê dens los catèrns du Viely Confllens en 1983.
Enqu'houé, ly'est principâlament utilisiê en Savouè et dens la Brêsse per les gens que volont utilisiér na grafia semi-fonetica por ècrire lor patouès arpetan.
Tot-parèly ègzistont ben de dèrives de ceta grafia, coment per ègzemplo la Grafia de Lecinjos, fêt per l’ècriven savoyârd Roger Viret.
Vêre avouéc
changiér- Vouiquipèdia:Grafia de Confllens, pâge avouéc n’èxpllicacion tècnica de ceta grafia.