Èmèsa-d’Amont

Cél articllo est ècrit en arpetan supradialèctâl / ORB lârge.

Èmèsa-d’Amont (en alemand Oberems) est una comuna suissèssa du quenton du Valês.

G·eografia

Èmèsa-d’Amont est una comuna dedens lo destrict de Louèche. Ele est situâye dedens la valâ de Tôrtamagne et desus lo velâjo d’Èmèsa-Desot.

Localisacion de la comuna d’Èmèsa-d’Amont, dedens lo destrict de Louèche.

G·eografia lengouistica

Sus lo massis de montagnes de Bèla-Toula, a fllanc d’Èmèsa-d’Amont, est una partia de la frontiére lengouistica de l’Arpetan – et pués enqu’houé lo francês – vers lo Tuche valêsan. La comuna arpetana vesena est Aneviérs, dedens lo destrict de Siérro.

D’ense, doux-três sonjons sus cele chêna de montagnes ont des noms francês (ou plétout arpetans) et du mémo côp asse-ben alemands :

• (fr, arpetan) Aiguilles du Meiden – (de) Meidspitz
• Pouenta de Tôrtamagne – Turtmannspitze
• Lo Boudri – Burgihorn
• Pouenta de la Forclèta – Hirsihorn

Lo Pas de Boeuf, sus la frontiére lengouistica de l’Arpetan et du Tuche, viua vers mié-jorn, avouéc lo Weisshorn (4505 m) u fond.

Siéx chemins de montagne cambont les doves valâyes sus la chêna de montagnes :

• lo Pas de l’Illsee
• lo Illpass ( a un km u sud-levantench du Pas de l’Illsee)
• lo Pas de Boeuf
• lo Meidpass
• lo Col de la Forclèta (en alemand das Furggilti)
• lo Col des Arpettes (por celi nom vêre l’articllo Ârp)

Lims de defôr

• Èmèsa-d’Amont sus lo Diccionèro historico de la Suisse