Zabèla Rabouda-Schüle

Isabelle Raboud-Schüle

Cél articllo ’l est ècrit en arpetan valêsan / ORB lârge. L’armoueria du canton du Valês


Pâge d’éde sus l’homonimia Por los articllos homonimos, vêde Schüle.

Zabèla Rabouda-Schüle (Isabelle Raboud-Schüle en francês), nèssua en 1958, ’l est un’ètnologa suissa et arpetana.

Vint du canton du Valês, sa mâre ’l ére l’ètnologa suissa Rôsa-Cllâra Schüle (1921–2015) et son pâre lo lengouisto suisso Èrnèsto Schüle (1912–1989), que ’l ére yon des rèdactors du Gllossèro des patouès de la Suisse romanda.

Fât d’ètudes en ètnologia, en science de la musica et pués en dialèctologia a l’univèrsitât de Nôchâtél. Travâlye d’abôrd por los musês valêsans, por l’Alimentarion a Vevê et pués dirige lo Musê valêsan de la vegne et du vin a Siérro. Dês 2006, el’est dirèctrice du Musê gruveren a Bulo, que presente la cultura populèra fribôrgêsa.

El’est membro du comitât suisso de l’UNÈSCÔ. Dês 2019, el’est prèsidenta de l’associacion des musês suissos[1].

El’est asse-ben prèsidenta de l’associacion por lo patrimouèno suisso de l’alimentacion.

Notes et rèferences changiér

Notes changiér

Rèferences changiér

  1. (de) Newsletter museums.ch.