Wicher Jansen

Cél articllo ’l est ècrit en arpetan môrianês / ORB sarrâye.

Wicher Christiaan Jansen (3 de mârs 1848 a Vriezenveen - 1ér de fevriér 1894) ére un entreprenor et fabrecan de vetures nêrlandês. Avouéc Johan Tilanus, il fonde l'entreprêsa « Jansen & Tilanus » en 1869.

Carrière

Jansen est venent de na famelye de fabrecans de tèxtilos de Vriezenveen. Tant a Twente qu'a Sant-Pétersbôrg, ceta famelye possèdâve des pârts dens plusiors entreprêses tèxtiles. En ôton 1869, Wicher Jansen, 21 ans, entre en contacto avouéc Johan Tilanus, 22 ans, fils du mèdecin Christiaan Tilanus. Lo 17 de novembro 1869, la firma Jansen & Tilanus 'l est fondâye. U moment de lor crèacion, tôs doux érant — d'aprés la louè — minors, falêt donc lor balyér des capacitâts por les activitâts comèrciales. Son frâre premiér Gerhardus devint adonc co-associyê de l'entreprêsa durent son encartâjo, mas sè retire pir en 1879. La famelye Jansen apôrte des tèrres, des mêsons ovriéres et des provisions, yô que Tilanus apôrte la soma de 30.000 fllorins, cen que corrèspond (a l'època) a la méma valor.

L'entreprêsa at comenciê avouéc n'usina de tissage de lin et de coton, et en 1874 n'usina de tricots at étâ apondua. Y avêt asse-ben un sèrvicio de rècupèracion. Yon de lors chalands ére la Rêna Guelyômina des Payis-Bâs. L'entreprêsa tèxtila de Twente at pas cèssâ de rebiolar. O ére yon des premiérs a fâre de la recllâma por los produits en mâlye.

Los fondators ant dirigiê l'entreprêsa ensemblo balant vengt cinq ans, tant qu'u dècès de Jansen en 1894 a l'âjo de 45 ans. Il at étâ remplaciê per Wicher Jr., un garçon de son frâre Jan Jansen.

Famelye

A l'âjo de 27 ans, Jansen at èposâ Catrina Beckering Vinckers, la felye du profèssor Jan Beckering Vinckers, a Kampen. Quatro enfants sont nèssus de ceti mariâjo. La pintra Walty Dudok van Heel ou ben lo chèrchior Arnôd Frasse sont des dèscendents dirèctes de Wicher Jansen.