Vouiquipèdia:Lumiére dessus…/Vâso
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo dejô 10 de novembro 2022 tant qu’u demârs 15 de novembro 2022.
Un vâso [ˈvaː.zo] — des côps s’emplèye avouéc lo tèrmo vèssél [vɛ.ˈse] — est na bèrta uvèrta qu’est sovent empleyêe por avêr dedens un boquèt de fllors ou ben por dècorar na sâla. Pôt étre constituâ de difèrents matèriâls coment la porcelana, la cèramica ou lo vêrro. Los vâsos sont dècorâs por fâre valêr lor contegnu ou ben lor-mémos.
Por la Grèça antica, lo tèrmo vâso dèsigne na ples granta variètât de bèrtes que les fôrmes sont rengiêes d’aprés na tipologia ben ètablia. Quâsi tot lo temps, celos vâsos, gènèralament en tèrra-couéta, sont dècorâs avouéc les tècniques de la « pintur’a figures nêres » ou de la « pintur’a figures roges ». Un mouél de celos dècôrs semondont de scènes figurâyes.