Vouiquipèdia:Lumiére dessus…/Siérvôs

Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo delon 25 d’octobro 2021 tant qu’u devendro 29 d’octobro 2021.

Siérvôs [ʃiʀ.ˈvo] ou [θiʀ.ˈvo] (Servoz [sɛʁ.voz] ou [sɛʁ.vo] en francês) est unna comona francêsa et arpetanna de montagne du Hiôt-Fôcegni en Savouè, que sè trôve dens lo dèpartamuent de la Savouè-d’Amont en règion Ârvèrgne-Rôno-Ârpes.

Lo velâjo z-est réstâ a l’ècârt des grants mouvamuents touristicos de la règion et gouârde, du côp, unna bôna façon campagnârda et montagnârda sôvegouardâ.

Los habitents du velâjo ant nom los Siérvos [lu ˈʃiːʀ.vo] et les Siérves [le ˈʃiːʀ.ve].

Geografia

Lo bôrg de la comona sè trôve a 815 m de hiôt en avâl des gôrges d’Ârva sus un plan a riva drêta d’Ârva dedens les Ârpes u sud-èste du Fôcegni savoyârd, prés de l’entrâ de la valê de Chamôni.

Liére la suita