Vouiquipèdia:Lumiére dessus…/Reviére d’En
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo devendro 07 de janviér 2022 tant qu’u demârs 11 de janviér 2022.
La reviére d’En [rviːð d‿ɛ̃] (l’Ain en francês) est na reviére francêsa que prend sa sôrsa (un ressôt carstico) en Borgogne-Franche-Comtât arpetanna, entre-mié los velâjos jurassiens de Conto pués de La Faviére a 681 mètros de hiôt, pués sè jète dedens lo Rôno (reva drêta) a Sent-Môris-de-Gordans en Domba savoyârda, aprés avêr parcoru 189,9 kilomètros.
El’at balyê son niom u dèpartament de l’En. Los reverens pués més g·ènèralament los locutors des dèpartaments du Jura et de l’En la dèsegnont torjorn desot lo tèrmo « reviére d’En » (la rivière d’Ain en francês de payis arriér-més), qu’at por avantâjo de levar la manca de cllartât avouéc lo dèpartament.