Vouiquipèdia:Lumiére dessus…/Rènes

Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo devendro 30 de julyèt 2021 tant qu’u demârs 03 d’oût 2021.

Rènes [rɛn] (Rennes [ʁɛn] en francês, Resnn [rɛn], Renn [rən] en galô, Roazhon [ˈrwɑː.zən] en breton) est na comena francêsa et bretona du cuchient de la France, ch·èf-luè du dèpartament d’Ila-et-Vilègne et de la règ·ion Bretagne. Cela vela sè trôve dens lo Levant de la Bretagne, u regonfllo de l’Ila et de la Vilègne.

Placiêe dessus l’arc atlantico eropèen, a 55 kilomètros de les coutes de la Mange, Rènes compte 209 860 habitents dedens-les-muralyes en 2012, cen que fât de lyé la premiére vela de la règ·ion Bretagne, la seconda vela du Grant Cuchient et l’onziéma comena la ples poplâye de France en nombro d’habitents. L’unitât urbèna est poplâye de 322 247 habitents en 2013 et son sôl urben, que comprend 700 675 habitents en 2013, est lo diéziémo u nivél nacionâl. Rènes est la sièta d’una mètropola de 426 502 habitents (2013), fassent d’ense partia de les 11 grantes mètropoles francêses de drêt comon (dês janviér 2015).

Los habitents de la vela sont apelâs los Renês [lu rnɛ] et les Renêses [le rnɛːz].