Vouiquipèdia:Lumiére dessus…/Nôlise
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês la demenge 09 de julyèt 2023 tant qu’u demécro 12 de julyèt 2023.
Nôlise [nø.ˈliː.zɪ] (Neulise [nø.liz] en francês) est na comuna francêse et arpetana du Rouanês dens los Forês et Biôjolês historicos, que sè trôve dens le dèpartament de Lêre en règion Ârvèrgne-Rôno-Ârpes.
La comuna at balyê son nom u pâs de Nôlise, dèrriér obstâcllo minèrâl dessus le cors de Lêre, qu’at forâ ses gôrges dens cetu horste hiôt entre-mié los bachèts d’èfondrament du Forês u vent et du Rouanês a la bise.
Los habitents du vilâjo s’apèlont los Nôlisiens [lo nø.li.ˈʒɛ̃] et les Nôlisiènes [lə nø.li.ˈʒɛ.nə].
Geografia
changiérLe bôrg de la comuna sè trôve a 553 m de hiôt sus le replat de Nôlise qu’est en-hôt de les combes de Lêre u sêr et de la reviére de Gant u madin que sè trôvont u vent du Rouanês.