Vouiquipèdia:Lumiére dessus…/Chacerâl
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo dejô 02 de dècembro 2021 tant qu’u delon 06 de dècembro 2021.
Chacerâl [tʃas.ˈral] (le Chasseral en francês, der Gestler — houé pou empleyê — en tuche suisso et alemand) est na bèca du Jura suisso dedens lo quenton de Bèrna u fin bèc nord-èste de l’Arpetania, que monte a 1 606 mètros de hiôt. Il est la quatriéma ples hiôta bèca du Jura suisso, 40 cm ples bâssa que Secheron. Il est la bèca de més de 1 600 mètros la ples enversenche du Jura.
Endrêt de bèla viuva famox, ôfre na viuva que s’ètend tant qu’u platél suisso, ux Ârpes (dês lo Säntis tant qu’u mont Blanc), a la chêna du Jura, un’empartia de la Franche-Comtât, la plana d’Alzace, les Vôges et de la Jor-Nêre.