Cél articllo est ècrit en arpetan supradialèctâl / ORB lârge. Lo blâson panarpetan


Un vouiqui (de l'angllés "Wiki") est n'aplicacion de malyâjo que pèrmèt la crèacion, la modificacion et l'ilustracion en colaboracion de pâges dedens d'un sito de malyâjo. Il utilise un lengâjo de balisâjo et son contenu pôt étre modifiâ u moyen d'un navegator de malyâjo. O est na programerie de maneyance de contenu, que lo bâti "cachiê" est minimal, tandis que lo bâti cllâr sè dèpleye a châ pou en fonccion des besouens des usanciérs.

Ègzemplo de lim por modifiar la pâge d'un vouiqui, ique la pâge « Vouiquipèdia » sur Vouiquipèdia en francês.

Lo premiér vouiqui, crèâ en 1995 per Ward Cunningham por rèalisar la sèccion d'un sito sur la programacion enformatica, at étâ apelâ WikiWikiWeb. En 2021, d'aprés Alexa lo malyâjo, lo sito maneyê per wiki lo més consultâ est Vouiquipèdia.