Cél articllo est ècrit en arpetan supradialèctâl / ORB lârge. Lo blâson panarpetan


Pâge d’éde sus l’homonimia Por los articllos homonimos, vêde Toquio.

Toquio [tɔ.ˈkjo][1] (東京, Tōkyō?, [toː.kʲoː][2] Acutar en j·aponês, cen vôt dére « Capitâla du levant »), los ôtros côps Edo (江戸?), oficièlament la prèfèctura mètropolitana de Toquio (東京都, Tōkyō-to?), est de facto la capitâla d’ora du J·apon. El est la més poplâye de les prèfèctures du J·apon, avouéc més de 13 831 421 habitents dedens-les-muralyes en 2018 et 42 794 714 dedens l’agllomèracion[3], et pués fôrme lo sôl urben lo més poplâ u mondo. Placiêe sus la couta levant de l’ila principâla de l’ilâda j·aponêsa, Honshū, Toquio est yona de les quaranta-sèpt prèfèctures du J·apon. Principâl centro politico de l’ilâda dês lo XVIIémo siècllo, la vela recêt la plepârt de les enstitucions du payis : la rèsidence principâla de l’emperor du J·apon, du Premiér ministro, la sièta de la Dièta (lo parlament j·aponês), du Cabinèt, los ministèros que lo constituont et pués totes les ambassades ètrangiéres.

Côp des uelys de l’arrondissement de Shinjuku, la Tokyo Skytree de nuet, lo Rainbow Bridge, Shibuya et pués lo bâtiment de la Dièta nacionâla.

Los habitents de la vela sont apelâs los Toquiots [lu tɔ.ˈkjo] et les Toquiotes [le tɔ.ˈkjoːt][Nota 1].

Notes et rèferences changiér

Notes changiér

  1. Prononçont avouéc [le tɔ.ˈkjoː.tə] en ôtros patouès arpetans.

Rèferences changiér

  1. Prononciacion en arpetan retranscrita d’aprés la nôrma AFE.
  2. Prononciacion en j·aponês retranscrita d’aprés la nôrma AFE.
  3. (fr) « Palmarès des plus grandes villes du monde », PopulationData.net (viu lo 18 d’avril 2020).