Poplo

Lo mot poplo est na nocion u sens difèrent d'aprés lo contèxto. Il dèsigne a côp :

• un « ensemblo des endividus que fôrmont na nacion, vivent sur un mémo tèrritouèro et somês ux mémes louès, ux mémes enstitucions politiques ». Cé, lo poplo est dètèrmenâ per la nacion qu'il constitue, lo tèrritouèro qu'il ocupe et la somission ux mémes règlles de drêt. O est la vision més limitâye du poplo.
• un « ensemblo des humens que vivont en sociètât sur un tèrritouèro dètèrmenâ et que, èyent des côps una comunôtât d'origina, presentont una homogènèitât relativa de civilisacion et sont gllètâs per un cèrtin nombro de cotemes et d'enstitucions comenes ». Cé, lo poplo est dètèrmenâ per un tèrritouèro et una cultura pôpres, mas pas per la somission ux louès.
• un « ensemblo de pèrsones que, habitant pas un mémo tèrritouèro mas èyent na méma origina ètnica ou na méma religion, ant lo sentiment d'être a una méma comunôtât ». Cé, lo poplo n'est dèfeni que per una cultura, vêr una tradicion comena. O est la vision més ètèrsa de la nocion de poplo.