Margarèta de Savouè (1851-1926)
|
Cél articllo est ècrit en arpetan supradialèctâl / ORB lârge. | 
|
Margarèta de Savouè (nèssua lo 20 de novembro 1851 a Turin; môrta lo 4 de janviér 1926 a Bordighera) est na princèssa de la mêson de Savouè et pués rêna d’ Étalia.
Via
changiérO est la felye de Fèrnand de Savouè-Genova et de Èlisabèta de Rapallo. Per son mariâjo, lo 21 d’avril 1868 u Palès reyâl a Turin, avouéc Humbèrt Iér, vint rêna d’Étalia, lo 9 de janviér 1878. Dês lo 23 de janviér 1871 ére a Roma.
Hombèrt Iér fut assassinâ lo 29 de j·ulyèt 1900, a Monza. Son fily Victor-Emanuél vint rê d’Étalia lo 11 d’oût 1900, tant qu’en 1946. Dês 1900 Margarèta de Savouè ére rêna mare; vivét u Palès Margarèta, a Roma, pués a la Villa Margarèta, a Bordighera en Liguria, desot los Ârpes marenes, a riva de la Mar Tirèna, dês 1916.
Margarèta de Savouè at fondâ des associacions culturèles et sôtenu lo movament du comitât entèrnacionâl de la Crouèx-Roge.
La tomba de Margarèta de Savouè s`trôve dedens lo Pantheon a Roma.
Arpinismo
changiér
En arpinismo, Margarèta de Savouè ére la premiére fèna a montar sus lo Mont Rouése, montagne d’Arpetania sus la frontiére entre-mié l’Étalia et la Suisse. El’at inôgurâ lo refujo dèt Cabane Reine-Marguerite, en étalien capanna Regina Margherita, construit per lo clube arpenc étalien sus la Punta Gnifetti, sus lo massis du Mont Rouése, a la hôtior de 4554 mètros. Lo chalét est inôgurâ lo 18 d’oût 1893, pendant lo passâjo de la rêna Margarèta sus lo Mont-Rouése. Lo novél refujo de 1979 u memo endrêt est, houé, lo refujo arpenc lo plés hiôt.[1]
Tradicion
changiérSelon la tradicion mitica, lo 11 de jouin 1889, l’ artisan Raffaele Esposito, a Naples, est dèt d’avêr crèâ la pizza Margarèta, en honor de rêna Margerèta et du rê Hombèrt, avouéc los três colors du drapél d’Étalia: vèrt, bllanc, rojo.[2]
Vêre avouéc
changiérBibliografia
changiér- Carlo Casalegno : La Regina Margherita. Turin 1956.
- Manlio Lupinacci : La Regina Margherita. Fllorence 2008.
Lims de defôr
changiérNotes
changiér- Queen Margherita Observatory and Hut, Monte Rosa, Italy. sus lo portâl Copper Concept.
- Arturo Iengo : Cucina Napoletana: 100 Recipes from Italy’s Most Vibrant City. 2008.