Lo Cid (Corneille)

Lo Cid êt una piéci de thèatro tragi-comica êcriti per Pierre Corneille en 1636 et jouyée en 1637. Elli cognöut un franc succés mais dersit moutes criticques de la part de celor qui furont appelás plus tard los Modernos, qui trovavant que celá piéci ére antipatriotica (elli se passe en Hespagni) et qu'elli ére immorala (Chiména êpose l'homo qu'occisit de son pare). Hoy fut un point de comenciment de la queréla dels Ancians et dels Modernos.

Lo Cid jouyé per Gérard Philippe en 1954.

Histoiri

Rodrigo et Chiména sont enamorás eu comenciment de la piéci. L'Infanta, filli deu rei d'Hespagni, êt enamoráe de Rodrigo alsí, mais el êt un simplo cavalier et elli una princéci. Chiména hat por pare lo Comto, un homo vanitós qui volt provar a tuis qu'el êt lo plus fort homo a les armes. Lo pare de Rodrigo êt Don Diégo, plus vieu. Don Diégo êt fèru per lo Comto, et Don Diégo demande a son fil de vendgier celá offensa en occisent lo Comto. Dilemma, Rodrigo choiseit de contentar son pare et el occit lo pare de sa futura femna qui volt se vendgier.

Dilemma por lei alsí, elli voldrat occire Rodrigo bin qu'elli l'ame hencora. A la gverra contra los Mauros Rodrigo se cuvre de gloiri et s'end revint tot triompho, elli no pot admettre qu'elli ame hencora Rodrigo devánt lo Rei qui li requiert d'abandonar son projet de vendgenci por lo bin de l'Êtat. Elli no demande qu'un dual entre un chevalier qui la voldrat dêfendre et el, et Don Sancho se propose. Per un tal truc, lo Rei vóut la faire cédre sur son projet de vendgenci et recognaître son amor por Rodrigo. El fait enveyer Don Sancho apprés lo dual qui vat querre sa domna et elli êclate en lairmes et ploraizons. Lo rei et la Cort appareisçont qui rèvélont qu'hoy ére un truc : Rodrigo êt vif, el a veincu sens occire Don Sancho. Los dous amánt pônt se mariar en la fin.