Julo Cèsâr

Cél articllo est ècrit en arpetan supradialèctâl / ORB lârge.

Julo Cèsâr (en latin Caius Julius Caesar) (nèssu lo 13 de j·ulyèt 100 dev. J.-C. - 15 de mârs 44 dev J.-C.) ére un leader politico et militèro de la fin de la Rèpublica romena. Il at aviu un rolo dens la transicion de la Rèpublica a l'Empiro.

Busto de Julo Cèsâr, dens lo Musê arquèologico de Naple.

Julo Cèsâr est nèssu dens una famelye patriciana de Roma, los Iulii. Sotegnu per les classes populères, il at menâ una granta carriére politica. De 58 a 51 dev. J.-C., Cèsâr at conquis la Gâlya A son retôrn, lo Sènat et Pompê ont montrâ lyor oposicion a les ambicions de ceti. O at dècllenchiâ la Seconda guèrra civila remportâ per Cèsâr en 46 dev. J.-C. Il s'est donc èparâ du povêr et s'est fêt nomâ dictator a via. Una conspiracion de sènators l'at assassinâ lo jôrn des ides de mârs 44 dev. J.-C.

O est son petit-nevot Octâvo que at achavonâ lo changement vers l'Empiro aprés la Derrière guèrra civila de la Rèpublica romena.