Cél articllo est ècrit en arpetan supradialèctâl / ORB lârge. Lo blâson panarpetan


Gondobâd (ou-ben Gondebâld; nèssu vèrs 450; môrt an 516) est un homo politico de l’època a la fin de Reyômo romen antico; il ére rê des Burgondos.

Il est lo fily de Gondioc, rê des Burgondos môrt vèrs 473. Gondioc at enstâlâ lo poplo des Burgondos en Sapaudia romèna, et il at fât la vela romèna de Lugdunum sia capitâla.

Gondobâd est magister militum et patricius romen, en Étalia, et pués dês 480 rê burgondo an Sapaudia, règ·ion de la Vâl du Rôno et du Lèman, origine de la Savouè actuâla.

Avant l’an 500 il at fât enstituér la Lê des Burgondos (lat. Lex Burgundionum), collèccion de bâsa du drêt dedens son reyômo, avouéc la Lê romèna de los Burgondos. Il ére cristiano de confèssion arianista; sa fène Carètena (môrta vèrs 506) ère catolica.

Son fily est Sigismond, rê des Burgondos, fondator du Monastèro de Sent-Môris d’Agôno.

Bibliografia changiér

  • « Gondebaud » sus lo Dictionnaire historique de la Suisse en legne.
  • Reinhold Kaiser : Die Burgunder. Stuttgart 2004.
  • Conrad Benjamin : Gundobadus. dedens : Paulys Realencyclopädie der classischen Altertumswissenschaft (RE). t. VII,2, 1912, 1938–1940.