Constantinoplo

Cél articllo est ècrit en arpetan supradialèctâl / ORB lârge.

Constantinoplo [kɔ̃.stã.ti.ˈnɔ.plo] (Constantinopolis en latin, Κωνσταντινούπολις / Kônstantinoúpolis en grèco ancian, قسطنطينية / Kostantiniyye en turco otoman, Constantinople en francês) fut, dês sa fondacion en 330 sus l’endrêt de l’anciana Bizance per Constantin I^ér (emperor dês 306 tant qu’a 337) tant qu’a sa chêta en 1453, la capitâla de l’Empiro romen du Levant. Vint aprés cen la capitâla de l’Empiro otoman tant qu’a 1923, pendent que la capitâla de la novèla rèpublica de Turquia fut transfèrâye a Ankara. En 1930 son nom fut changiê en celi d’Istanboul, nom que portâve adés lo bôrg historico de la vela. Desot cél nom, compte ora més de 15 milyons d’habitents et pués réste la sièta du patriarcat de Constantinoplo, solèt résto de l’Empiro bizantin.

Mapa de Constantinoplo ètablia de vers 1420 per Cristoforo Buendelmonti.

Mâpa que fât vêre lo relièf de Constantinoplo et ses muralyes pendent lo temps bizantin. La numerotacion des molârs et de les règ·ions administratives est en bron.

Notes et rèferences