Conches-d’Amont
|
Cél articllo est ècrit en arpetan supradialèctâl / ORB lârge. | 
|
Conches-d’Amont – en alemand Obergoms – est una comena suissèssa du destrict de Conches dedens lo Valês.
G·eografia
changiérLa comena est situâye u méten de les Ârpes, dedens lo massis de les Ârpes ouranêses. La montagne la plés hôta de la comena est lo Dammastock avouéc la hôtior de 3630 mètros.
Lo tèrritouèro de la comena, avouéc la supèrficie de 156 kilomètres carrâs, comprend lo fin bec de la hôta comba du Rôno u nord-levant du canton du Valês.
A bise, prés la localitât de Gletsch, sè trôve lo grant gllaciér du Rôno yô qu’est la sôrsa du fllevo.
Los rotes arpenches vont sus los cols de la Furka (2429 mètros), de la Grimsel (2164 mètros) et de Nufenen (2476 mètros), vèrs los cantons suissos de Bèrna, d’Ouri et du Tèssin. Un chemin mène du velàjo d’Ulrichen sus lo col du Gries a la Vâl Formazza en Étalia.
Histouère
changiérLa comena est crèâye lo 1ér janviér 2009 per la fusion des ancianas comenes de Ulrichen, Obergesteln et Oberwald.