100% Savouè

Cél articllo z-est ècrit en arpetan savoyârd / ORB lârge.

100% Savouè
Presentacion
Secrètèro ègzécutif	Thierry Tissot-Dupont
Fondacion	Dècembro 2016
Sièta	Sent-Jôrio
Idèologia	Ôtonomismo
Colors	blanc, rojo
Seto Vouèbe	100pourcentsavoie.org

Lo 100% Savouè [CFLL : San pèrsan Savwé] (en francês: 100% Savoie) est un parti politico ôtonomisto savoyârd du centre crèâ en 2016. Ols militont por l’èmancipacion politica de la Savouè.

Histouèro du parti

100% Savouè ’l est un parti politico que les statuts éront signês lo 19 de fevriér 2016. Lo parti trôve lo sin inice dens lo groupo de rèflèccion qu’avêt niom « Cèrcllo Garibaldi », pués aprés « Cercle Eugène de Savoie », et que rassemblâve los gens que sont por lo retôrn de yéna Savouè sôverena. Cél cèrcllo voléve porsiuvre son activitât dessot la fôrma d’un parti politico por tornar prendre la trace de l’anciena Liga Savouèsièna, l’ilustro parti qu’avêt ja na bôna popularitât et des succès èlectorâls dens los ans nonante.

Lo parti avêt coment fin premiére de tornar vegnir a la sôrsa et a rèunir les difèrents de mouvaments endèpendentistos de Savouè, qu’éront, tant qu'a la crèacion de 100% Savouè, franc divisâ entre-sè. Il est adonc d’ense que 100% Savouè at pués signâ na chârta lo 5 de jouen 2017 en Neci que diont « l’Ententa de Neci » et qu’est asse-ben signâye per la maj·orence des mouvaments règ·ionalistos, ôtonomisto ou ben endèpendentistos de Savouè por ôvrar ensiems por l’ôtonomia de la Savouè.

A la fin de l'an 2017, cel mouvament at enveron 150 militants et 700 simpatisants.

Lims de defôr

• (fr) 100% Savouè, lo seto oficièl du parti.
• (fr) Opinions Savouèsiènes., la gazèta d’opinion de la Savouè.