Toquio

Cél articllo est ècrit en arpetan supradialèctâl / ORB lârge.

Toquio [tɔ.ˈkjo] (東京, Tōkyō, [toː.kʲoː] en japonês, cen vôt dére « Capitâla du levant »), los ôtros côps Edo (江戸), oficièlament la prèfèctura mètropolitana de Toquio (東京都, Tōkyō-to), est de facto la capitâla d’ora du J·apon. El est la més poplâye de les prèfèctures du J·apon, avouéc més de 13 831 421 habitents dedens-les-muralyes en 2018 et 42 794 714 dedens l’agllomèracion, et pués fôrme lo sôl urben lo més poplâ u mondo. Placiêe sus la couta levant de l’ila principâla de l’ilâda j·aponêsa, Honshū, Toquio est yona de les quaranta-sèpt prèfèctures du J·apon. Principâl centro politico de l’ilâda dês lo XVII^émo siècllo, la vela recêt la plepârt de les enstitucions du payis : la rèsidence principâla de l’emperor du J·apon, du Premiér ministro, la sièta de la Dièta (lo parlament j·aponês), du Cabinèt, los ministèros que lo constituont et pués totes les ambassades ètrangiéres.

Côp des uelys de l’arrondissement de Shinjuku, la Tokyo Skytree de nuet, lo Rainbow Bridge, Shibuya et pués lo bâtiment de la Dièta nacionâla.

Los habitents de la vela sont apelâs los Toquiots [lu tɔ.ˈkjo] et les Toquiotes [le tɔ.ˈkjoːt].

Notes et rèferences