Vouiquipèdia:Lumiére dessus…/Valâ de Jor
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo dessando 11 de jouin 2022 tant qu’u demécro 15 de jouin 2022.
La valâ de Jor [va.ˈlaː də dzœ] (la vallée de Joux en francês) — dens la pllanna vôdouèsa diont plletout la comba de Jor [ˈkɔ̃.ba de dzɔ] — ou ben de cotema la Valâ [va.ˈlaː] ’l est na valâ suissa en Arpetania, que sè trôve dens l’empartia centrâla du massis du Jura dedens lo quenton de Vôd. Son nom ére asse-ben çlli du vielyo district de La Valâ, disparu lo .
’L est composâye de três comunes : Lo Chenèt, L’Abayie et Lo Luè que comptont doux-três velâjos et velagèts.
’L est yon des brés de la relogerie et pués lé sè trôvont tot pllen de bouteques des plles famoses manufactures relogiéres suisses, coment Breguèt, Ôdemârs Peguèt, Bllancpan, Jègère-LoCôtro, etc.
Les habitents de la valâ s’apèlont les Combiérs [le kɔ̃.ˈbje] et les Combiéres [le kɔ̃.ˈbjeː.re].