Vouiquipèdia:Lumiére dessus…/Japonês
Cél « Lumiére dessus… » est étâ ou ben serat publeyê sus la pâge de reçua de l’encicllopèdia dês lo demârs 14 de mê 2024 tant qu’u dessando 18 de mê 2024.
a Kyoto.
Lo japonês [dza.pɔ.ˈne, ða.pɔ.ˈne, ʒa.pɔ.ˈne] (日本語, nihongo [ɲ̟i.hõ̞ŋ.ɡo̞] (Acutâd en japonês)) est la lengoua du Japon, qu’est prègiêe per vers les 128 milyons de gens. O est la lengoua des documents oficièls et de l’èducacion, quand ben que gins de lê lui balye lo statut de lengoua oficièla. Il est a la famelye lengouistica isolâye de les lengoues japoniques.
La lengoua est asse-ben empleyêe per la diaspora japonêsa (notament u Brèsil et u Pèrou, qu’ègzistont d’importantes comunôtâts que prèjont cela lengoua, coment dens les veles de Lima et de Sant-Pol), et pués il at lo statut de lengoua oficièla sus l’ila d’Angaur dedens les Palaos, mémo s’y est pas més prègiê.
Lo govèrnament japonês organise d’ègzamens standardisâs por meserar lo nivél de comprenalye du japonês ècrit et prègiê de les gens que lo prèjont coment seconda lengoua. Lo ples important d’entre lor est lo Japanese-Language Proficiency Test (日本語能力試験, Nihongo nōryoku shiken, cen vôt dére « èprôva de capacitât en japonês », abregiê JLPT).