Taxon

Un taxon est na tropa naturèla d'étres vivents considèrâye du pouent de vua de la classificacion. Una èspèce, un genro, na famelye... sont des taxons. L'èspèce est lo taxon de bâsa de la classificacion; més lo reng du taxon est hôt, muens sos membros partajont de caractèros comons.

Por balyér una cèrtêna stabilitât a la classificacion et surtot a la nomenclatura biologica, tot taxon dêt étre fondâ sur un tipo. U nivél de l'èspèce, ceti tipo est houé un spècimèno qu'at étâ vivent, et est donc èxplouètâblo gènèticament. D'ense, por les èspèces ancianament dècrites, fôt trovar un spècimèno qu'est qualifiâ de nèotipo, en èsseyent d'entèrprètar corrèctament la dèscripcion et los documents (dèssins...) ancians por sèlèccionar ceti novél tipo.
Por un genro, lo tipo est una èspèce, por na famelye, lo tipo est un genro, d'ense de fela.