Los fasianidês sont na famelye d'uséls galiformos que comprend enveron 150 èspèces. Lor talye est lo més sovent moyèna a prod granta. La téta est petiôta avouéc un bèc côrt et corbâ. La cova est longe a muens chiéz los mâcllos, qu'ant des colors en gènèral més vives et pôrtont un' arpion a châque plôta, vu qu'ils lutont por la possèssion des femèles. Ils sè dèplaçont en gènèral franc pou, ils volont sovent mâl (des côps gins) et sont quâsi tôs de crouyos corrors. Ils niçont u sol et los pugins sont franc vito ôtonomos.
Los fasianidês vivont surtot dens l'hèmisféro bise tant que dens los jors des tropicos. Plusiors èspèces ant étâ aprovèsiêes por lor chèrn, los ôfs, lors plomes et coment uséls d'ornament: polèts et genelyes, fèsans, pavons, dindos, pintâdes...

Cèrtênes èspèces, que vivont dens noutros prâts et bouescs de montagne, sont considèrâyes coment menaciêes et bènèficiyont de meseres d'empâra.

Pavon avouéc la cova ètalâye
Bartavèles