Cortil botanico de Geneva
|
Cél articllo est ècrit en arpetan supradialèctâl / ORB lârge. | 
|
Lo Cortil botanico de Geneva, en francês « Conservatoire et Jardin botaniques de la ville de Genève », est un musê scientifico et un parc botanico a Geneva en Suisse.
Avouéc na supèrficie de 28 hèctares, il sè trôve sus lo tèrritouéro de Geneva et de Pregni-Sambèsi, entre-mié lo Lèman, lo parc de l’Organisacion de les Nacions unies et la legne de chemin de fèr Geneva-Losena.
Histouère changiér
Lo premiér cortil botanico genevês at étâ fondâ lo 19 de novembro 1817 per lo botanisto genevês Augustin-Pyramus de Candolle, professor des sciences naturèles a l’univèrsitât de Geneva.
Aprés la môrt d’Augustin-Pyramus de Candolle, son fely Alphonse Pyrame de Candolle vint director du cortil botanico. Son successor Georges Reuter at crèâ des rocalyes, dedens lo cortil botanico, por l’ètude des pllantes arpenches.
Dês 1904, lo novél cortil botanico genevês est construit desus lo doméno de l’Ariana, per los arch·itèctos Jules Allemand et Henri Juvet.[1]
En 1943, lo canton de Geneva, l’univèrsitât de Geneva et la vela de Geneva ont crèâ lo Centro de botanica que comprend l’enstitut de botanica pués lo cortil botanico et una bibliotèca scientifica.
Dês 2015, lo cortil botanico de Geneva adopte la cultura biologica.[2]
Bibliografia changiér
- J. Miège : Liminaire. Le jardin botanique de Genève: son passé, son présent, son devenir, dedens : Revue horticole suisse, vol. 45, no 7, 1972, p. 179–184.
Lims de defôr changiér
Notes changiér
- Artigllo Henri Juvet dedens lo Diccionèro historico de la Suisse.
- Céline Garcin : Le Jardin botanique est 100 % biologique, dedens : Tribune de Genève, 18 de mârs 2015.