[[Fichiér:Romain_en_Gal.JPG|figura|300px|L’[[Musê galo-romen de vers Sant-Reman-en-Gâl|''endrêt arquèologico'']] de vers Sant-Reman.]]
L’arquèologiaL’'''arquèologia''' est na [[disciplina scientifica]] que la fin est d’ètudiyér l’Homo dês la [[Prèhistouère]] tant qu’u [[temps d’houé]] a travèrs sa tècnica grâce a l’ensemblo des [[Môblos arquèologicos|réstos matèrièls]] qu’ant subsistâ et pués qu’o est des côps nècèssèro de betar fôr per la fôlye ([[outil]]s, [[Ôs|ossements]], [[tèrralye]]s, [[Ârma|ârmes]], [[Piéce de monéya|piéces de monéya]], [[bij·ou]]s, [[habelyement]]s, emprentes, piâs, [[Pintura|pintures]], [[Bâtiment (construccion)|bâtiments]], enfrastructures, etc.). L’ensemblo des [[Artèfacto (arquèologia)|artèfactos]] et des [[ècofacto]]s que relévont d’un temps, d’una civilisacion, d’una règ·ion, ou ben d’un poplament balyê, s’apèle [[Faciès (arquèologia)|cultura arquèologica]]. Cela [[Faciès (arquèologia)|cultura matèrièla]] est devant tot un concèpto basâ sus l’aponsa de réstos retrovâs dedens des èspâços et dedens des cronologies ategnentes, sus un mémo endrêt, ou ben dedens na méma règ·ion, per ègzemplo. Pôvont adonc prègiér, por dèsignér un ensemblo que sè tint, de cultura arquèologica (coment la [[cultura de Hallstatt]], ou ben la cultura [[Temps Jōmon|Jōmon]], per ègzemplo).
