« Diplôido » : difèrences entre les vèrsions

cèlula avouéc 2n cromosomos (et pas n)
Contenu supprimé Contenu ajouté
Fungoo (discussion | contribucions)
Pâge fêta avouéc « Na cèlula biologica est '''diployida''' (du grèco διπλόος, diploos, « doblo » et εἶδος eidos, « en fôrma de ») quand los cromosome... »
(Gins de difèrence)

Vèrsion du 3 jouin 2021 a 23:13

Na cèlula biologica est diployida (du grèco διπλόος, diploos, « doblo » et εἶδος eidos, « en fôrma de ») quand los cromosomes qu'el contint sont presents per pars (2n cromosomes). Lo concèpt est en gènèral oposâ a haployido, tèrmeno dèsignent les cèlules avouéc des cromosomes en simplo ègzemplèro (n cromosomes).

Na cèlula contint adonc doux alèlos (variants) por châcun de sos gènes (en defôr des parties spècifiques ux cromosomes sèxuèls), los doux cromosomes d'un mémo par possèdant los mémos gènes. Cetes doves vèrsions sont d'origina de la mâre por l'una et du pâre por l'ôtro, et ant étâ rassemblâyes durent la fècondacion (fusion de doves cèlules haployides: n + n = 2n).

Un organismo ou una partia d'organismo est dét diployido quand ses cèlules sont lor-mémes diployides.

Cetes dèfinicions regârdont solament los organismos ecariotos (protistos, bétyes, plantes, champegnons), que possèdont de verés cromosomes. Els betont defôr donc les bactèries qu'ant pas de noyô cèlulèro et possèdont des cromosomes d'un tipo particuliér.

Chiéz los humens et la plepârt des bétyes, la fase diployida (2n) est franc dominanta. L'organismo (lo côrp) sè dèvelope a chavon avouéc des cèlules que contegnont châcuna los cromosomes en dobla vèrsion. La fase haployida (n) regârde solament la formacion des gamètos : spèrmatozoyido ou ovulo.