« Amanita vèrda » : difèrences entre les vèrsions

Contenu supprimé Contenu ajouté
Fungoo (discussion | contribucions)
Aucun résumé des modifications
Arkelin (discussion | contribucions)
Aucun résumé des modifications
Legne 13 :
L''''[[Amanita]] vèrda''', en latin ''Amanita phalloides'', est una [[èspèce]] de [[champegnon]] de l'[[ôrdre]] des [[agaricales]], cognessua por son fôrt poueson, qu'en fêt una èspèce mortèla.<br>
 
=== Dèscripcion ===
Lo [[chapél]] bombu que tend a s'ètalar mesera tant qu'a 15 cm de diamètre, il est normalament de color vèrd jônassua ou vèrd jôno bronâ. Les [[lames]] sont sarrâyes, blanches. Lo [[pied]] mesere tant qu'a 20 cm de longior, il pôrte un anél retombant dens la partia supèriora, il est bulbox a la bâsa que sôrt d'una [[volva]] en sac; la surface du pied est blanche, bardelâye de gris vèrdâtro. La volva blanche est asse-ben marcâye de vèrdâtra dedens.<br>
La chèrn blanche at un fllâr fêblo, que rapèle la rôsa fenâye en vielyéssent. La savor est fêbla, agrèâbla a la couéson, cen qu'èxplique en partia los empouesonaments.
 
=== Cârro et rèparticion ===
Ceti champegnon est gllètâ a de nombrox [[âbros]] folyus (franc rârament a des sapins) avouéc losquints il ètablét des relacions [[micoriza|èctomicoriziques]]. On lo trôve d'ense en particuliér dens los bouescs de [[châno|chânos]], de [[charpena|charpenes]] et de [[fo|fos]], en gènèral pas u dessus de 1000 m d'altituda dens los payis [[Arpetan|arpetans]], mas asse-ben dens los parcs des veles. Il aparêt u chôd-temps et en ôton. Il ègziste dens na granta partia de l'[[Eropa]], asse-ben en [[Africa]] du nord, et s'est regolyê dens les règions [[tempèrâ|tempèrâs]] d'ôtros [[continent|continents]], probâblament pendent les plantacions d'âbros d'origina eropèèna.
 
=== Simptômos ===
L'[[entoxicacion]] sè rèvèle solament plusiors hores aprés la consomacion, de maniére violenta, avouéc en particuliér vomissements et rafa. Los damâjos u [[fèjo]] sont alor ja franc grâvos, des côps irrevèrsiblos. Aprés na pèrioda més calma tromposa, la môrt survint dens los jorns que siuvont.
Los trètaments actuèls, qu'ant fôta d'una hèpetalisacion, avouéc des côps [[grèfa]] du fèjo, pèrmètont de sôvar de nombrox malâdos, mas y at tojorn des câs mortèls.
 
=== Variantes et èspèces vesenes ===
Ègzistont des fôrmes [[albinos]] donc blanches ([[variètât]] [[alba]]) de l'amanita vèrda, et pués des èspèces vesenes més râres, asse-ben blanches, coment l'[[amanita en bonèt]] - ''Amanita virosa'' - et l'[[amanita de forél]] - ''Amanita verna''; els sont totes asse dangeroses.
 
[[Catègorie:Biologia]]