« Fôlye » : difèrences entre les vèrsions

En [[biologia]], la '''fôlye''' ([[latin]]: ''folium'') est un [[orgâno]] [[planta|vègètal]] spècialisâ dens la [[fotosintèsa]]; el pèrmèt asse-ben a la [[planta]] de [[rèspiracion|rèspirar]] et de [[transpiracion|transpirar]]. Tipicament la fôlye at na fôrma de lama fina et plata por trèsir u maximon la lumiére et èchangiér avouéc l'èxtèrior. Sa color més sovent vèrda vint de la [[clorofila]] contenua dens des [[organito|organitos]] nomâs [[cloroplasto|cloroplastos]].<br>

L'aspèct des fôlyes et lor disposicion sur la [[tige]] vareyont d'aprés l'[[èspèce]] et mémament d'aprés lor posicion dens na méma planta. D'ense les fôlyes de la bâsa d'una planta en [[hèrba]] sont en gènèral brâvament més grantes que les fôlyes de la tige. Les [[bractê|bractês]] et les difèrentes piéces [[fllor|fllorales]] ([[sèpalo|sèpalos]], [[pètalo|pètalos]], [[ètamina|ètamines]], [[carpèlo|carpèlos]]) sont des fôlyes transformâyes.