Difèrences entre les vèrsions de « France »

66 octèts apondus ,  il y a 4 ans
(corrèccions du cinquiémo paragrafo)
(→‎Prèhistouère, protohistouère et Antiquitât : rèfèrences de les datacions)
 
=== Prèhistouère, protohistouère et Antiquitât ===
[[File:Lascaux2.jpg||gauche|thumb|alt=Lascaux cave paintings: a horse from Dordogne facing right brown on white background|Une des peintures de [[Bârma de Lascaux|Lascaux]], [[Dordogne (dèpartement)|Dordogne]], u torn de 18.000 dev. J.-C.]]
La prèsence humèna sur lo tèrritouèro de la France actuèla remonte u [[Palèolitico enfèrior]] ; les ples anciènes trâces de via humèna dâtont d'el y at u torn de 1 800 000 ans. L'homo est adonc confrontâ a un climat dificilo et variâblo, marcâ per plusiors [[Ères gllacières|ères gllacières]] que modifiont son câdro de via. La France compte un nombro importent de [[Bârma|bârmes]] ornâyes du Palèolitico supèrior, avouéc l'una de les ples cèlèbres a [[Lascaux]] en [[Dordogne]], (u torn de -18 000 ans dev. ora). Vèrs -10 000 ans, a la fin de la darrièra èra gllacièra, lo climat s'adocét. A partir de -7000, l'Eropa occidentâla entre dens lo [[Nèolitico]] et sos habitents sè sèdentarisont, ben que l'èvolucion sêye difèrenta a l'encan de les règ·ions. Aprés un fôrt dèvelopement dèmografico et agricolo ès [[IVe milènèro|IVe]] et [[IIIe milènèro|IIIe milènèros]], la [[Mètalurgie|mètalurgie]] fât son aparicion a la fin du [[IIIe milènèro]], d'abôrd avouéc lo travaly du fér u VIIIe sièclo. En -600 dev. J.-C., de [[Grècos]] origènèros de la vela de [[Focêa]] fondont la vela de ''Massalia'', la futura [[Marselye|Marsèlye]], u bôrd de la [[Mar Mèditèrranê|Mèditèrranê]] ; a la mèma època, quârques poplos [[Cèltos|cèltos]] pènètront dens lo tèrritouèro de la France actuèla, mas ceta ocupacion ne sè gènèralise a la totalitât du tèrritouèro qu'entre los [[Ve sièclo|Ve]] et [[IIIe sièclo|IIIe sièclos]] dev. J.-C. La nocion de [[Gôla]], « ''ΓαλαTία ''» en grèco, aparèt alors ; ele corèspond ès tèrritouèros de poplament cèlto comprês entre lo [[Rhen]], les [[Pirènês]], [[Mar Atlantico|l'Atlantico]] et la [[Mar Mèditèrranê|Mèditèrranê]]. Los [[Hèbrèo|Hèbrèos]] l'apèlont « ''Tzarphat ''». La Gôla est alors un payis prospèro avouéc sa partia mèridionâla de ples en ples somêsa a les enfluences [[Cultura grèca|grèques]] et [[Cultura romèna|romènes]].
 
[[Image:siege-alesia-vercingetorix-jules-cesar.jpg|thumbnail|right|300px|Vèrcing·ètorix jète les armes devant Cèsar, pentura de [[Lionel Royer]], [[1899]].]]
A partir de -125 dev. J.-C., lo sud de la Gôla est pou a pou conquês per la [[Rèpublica romèna]], que y fonde les veles d'[[Ax-en-Provence]], [[Tolosa]] et [[Narbona]]. En -58 dev. JC, Jules[[Julo CèsarCèsâr]] sè rue a la [[Guèrra de les Gôles|conquèta de la rèsta de la Gôla]], et venc en -52 dev. J.-C. una rèvolta menâye per lo chièf gôlês [[Vèrcing·ètorix]] a [[Alèsia]] (houé la vela d'[[Alise-Sainte-Reine]] en [[Borgogne]]). Los tèrritouèros novèlament conquês sont devesâs per Augusto en nôf provinces romènes, desquintes les principâles sont la [[Province narbonêsa|Narbonêsa]] u sud, [[Aquitania|l'Aquitèna]] u sud-ouèst, la [[Province liyonêsa|Liyonêsa]] u çantre et a l'èst, et la [[Gôla bèlg·ica|Bèlg·ique]] u nord. De nombrôses veles sont fondâyes durent la pèriôda [[Galo-romens|galo-romèna]], permi lesquintes [[Liyon]] en -43 dev. J.-C., que devindrat la capitâla de la [[Gôla romèna]] ; celes-lé sont conciues a l'émâge de les [[Citât romèna|citâts romènes]] avouéc un [[Forum romen|forum]], un [[Tèâtro romen|tèâtro]], un [[Circo romen|circo]], un [[Amfitèâtro romen|amfitèâtro]] et de [[Tèrmos romens|tèrmos]]. La [[Relig·ion romèna|relig·ion romèna]] sè superpôse ès [[Relig·ion gôlêsa|cultos gôlês]] sen los fâre disparètre, les divinitâts sè confondont pou a pou dens un mèmo [[Sincrètismo|sincrètismo]]. U [[IIIe sièclo]], la Gôla romèna cognèt una crisa grâva, lo ''limes'', frontièra fortifiâye que protèj·âve l'[[Empiro romen|Empiro]] de les [[Envasions barbares|encursions barbares]], est franchi a plusiôrs reprêses per los [[Poplos barbaros|Barbaros]]. Lo povêr romen, pendent cetu temps, semble gangalar : un [[Empiro de les Gôles|Empiro de les Gôles]] est proclamâ en 260 et èmâque a la tutèla romèna tant qu'en 274. Mas la situacion s'amèlyore dens la premièra mêtiât du [[IVe sièclo]], qu'est una pèriôda de renovél et de prospèritât por la Gôla. En 312, l'[[Constantin Iér (emperor romen)|emperor Constantin Iér]] sè convèrtét u [[Cristianismo|cristianismo]] ; los crètiens, persècutâs tant qu'ique, sè multipliont. Mas les envasions barbares recomençont a partir de la segonda mêtiât du [[IVe sièclo]] ; lo 31 dècembro 406, los [[Vandalos]], [[Suèvos]] et [[Alans (poplo)|Alans]] franchéssont lo [[Ren]] et travèrsont la Gôla tant qu'en [[Èspagne]]. U mêten du [[Ve sièclo]], los [[Alamans]] et los [[Francs (poplo)|Francs]], doux poplos [[Paganismo|payens]], s'instâlont u nord-èst de la France d'ora et ègzèrçont una fôrta pression sur los gènèrôx romens que sont en pôsto dens lo nord-èst de la Gôla.
 
== Politica et administracion ==
326

changements