« Italie » : difèrences entre les vèrsions

L’Étalie est na pèninsula encèrcllâye per la [[mar Mèditèrranê]], drêt coment ses iles : les principâles sont la [[Sicilie|Sicila]] et la [[Sardêgne|Sardègne]]. La couta du cuchient est bordâye per la [[mar Tirrènièna]] et cela du levant per la [[mar Adriatica]]. Tant qu’a la partia tèrrèstra de la bise, el est entorâye de les [[Arpes|Ârpes]] avouéc la [[France]] u nord-ouèste, de la [[Suisse]] et de l’[[Ôtrich·e]] a la bise et de la [[Slovènie]] u nord-èste.

Sa supèrficie est de 301 300 m² et sa longior dês la bise u mié-jorn est de 1 360 km. Los [[Apènins]] fôrmont na chêna de montagnes a son méten et sur sa longior.

Lo cllimat est mèditèrranèen por la pèninsula (hivèrn dox et humido, chôd-temps chôd et èssuét), més èssuét u mié-jorn et més frès avouéc l’hôtior. La plana du [[Pô]] a la bise est subtropicâla humida (hivèrn pletout frêd, chôd-temps chôd et humido).