Nom binominâl

(Redirigiê dês Nomenclatura binominâla)

La nomenclatura binominâla, mêsa u pouent per Carl von Linné dens la seconda mêtiêt du XVIIIémo sièclo, at por ciba de balyér un nom entèrnacionâl a châque èspèce viventa. Ceti nom est composâ de doux mots en latin: lo nom gènèrico que comence per na majuscula dèsigne lo genro et dêt étre unico, et l'èpitèto spècifico (adjèctif, gènitif ou nom en apposition), que comence per na minuscula et dêt étre unico dens lo genro. D'ense doves èspèces pôvont pas avêr la méma dènominacion. En citacion formèla on apond l'ôtor (ou los ôtors, avouéc l'usâjo de parentèses se y at avu changement de genro) et la dâta du binômo, ceti-ce étent apelâ combinèson per los scientificos.

Quârques ègzemplos:
Homo sapiens L. 1758 Homo modèrno
Filipendula ulmaria (L.) Maxim. 1879 Vegnèta des prâts
Hygrophorus marzuolus (Fr.) Bres. 1893 Higroforo de mârs, marjolu

Difèrents codes de nomenclatura, pèriodicament ravisâs durent des congrès entèrnacionâls, contegnont les règlles d'usâjo de ceta nomenclatura.