Legne du sonjon de la Forclla

Cél articllo est ècrit en arpetan supradialèctâl / ORB lârge. Lo blâson panarpetan


La legne du sonjon de la Forclla, en Suisse, est una legne de chemin de fèr que rapond la règ·ion de Conches, destrict de Conches, en Valês, avouéc la vâl d’Ôrsera, en Ouri.

Un tren èlèctrico en gâra de Gletsch, ux ans 1970, avouéc, u fond, lo gllaciér du Rôno.
Un tren sus lo pont de Steinstafel.

La legne, long de 18 kilomètros, monte de la gâra d’Oberwald (1367 m), en Conches, a Gletsch (1760 m) et travèrse lo Col de la Forclla dedens un tunèl de sonjon a la hôtior de 2180 m. Pués descend vers Realp (1538 m) en vâl d’Ôrsera.

Lo tunèl du sonjon.

Histouère changiér

La Sociètât du chemin de fèr de la Forclla at étâ fondâye lo 27 de mê 1910 a Losena. La legne de Brega a Gletsch fut inôgurâye lo 30 de jouin 1914.

L’inôguracion de la legne Brega-Sonjon de la Forclla-Andermatt-Disentis, per la novéla sociètât Furka-Oberalp-Bahn, est fât lo 3 de j·ulyèt 1926. Dês 1942, l’èlèctrificacion de la legne ére rèalisâye. La circulacion des trens est empossibla en hivèrn, a côsa des lavenches du massis de la Forclla. D’ense, dês 1971 tant qu’en 1982, lo tunèl de bâsa de la Forclla est construit.

Après l’inôguracion de celi tunèl, la legne du sonjon de la Forclla est mis hôrs serviço.

Lo 17 de mê 1985 la sociètât Dampfbahn Furka-Bergstrecke AG est fondâye. Après la reconstruccion de doux-três parties, ponts et bâtiments de la legne du sonjon, la circulacion des trens, avouéc des locomotives a vapor, at commencé novélament en 2000, entre-mié Realp et Gletsch, et pués de Oberwald a Realp lo 12 d’oût 2010.

Bibliografia changiér

  • Ralph Schorno : Furka-Bergstrecke. Tsurique 1991.

Lims de defôr changiér

Wikimedia Commons propôse de documents multimèdiâ sus Legne du sonjon de la Forclla.