Latèx

Lo latèx est una èssence liquida, més ou muens èpèssa, dègotâye per cèrtênes plantes ou per cèrtins champegnons (spècialament los lactèros) et circulant dens los canâls laticifèros. Il contint de nombrox composâs poueson et anti-apètents que dissuadont los organismos que los atacont, sèrvent de dèfensa contre los hèrbivoros et los virulents.

En gènèral blanc, mas des côps transparent ou colorâ, lo latèx est sovent côlant et coagule a l'êr en formant un matèrièl èlastico, coment celi de l'hèvèa (Hevea brasiliensis) que sert a la fabrecacion du caoutchou naturèl.

On apèle asse-ben latèx lo matèrièl èlastico aprèstâ avouéc lo latèx d'hèvèa, et pués los matèrièls sintèticos de méma aparence, fabrecâ per polimèrisacion de dèrivâs de produits pètroliérs.